Lyric Apo Kono Eh Jang
by AC Mizal ft Fida & Stellar
Jang oh Jang
Mano pulak poi eh budak bertuah ni
Sonyap yo…
Siaplah jang oi…
Kobau tu tak bo'ei makan lai
Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih
Listen up, listen up
[AC Mizal] Rap:
Apo kono eh jang, tengoh malam telanjang
Ekau dah bosa panjang
Napo duduk tolontang
Polik bonar bunyi ae
Macam da tak perlu ae
Tapi cubo kao dongar, ini pokaro bonar
ko tongah Ko topi kobau kao pon dah mati
Korek tanah masuk lai dokek Kuala Pilah
Ekau tengok muko dulu
muko kao pon dah bebulu
Poi cukur la dulu, badan kao bau lombu
Apo kono eh jang kau monong ajo
Orang ke bulan ekau di mano
Muko berpoluh apo teghaso
Carian ubek penawa duko
Poilah mandi hari dah tinggi
Jangan temonung menoman tanggo
Ke sawah kito menuai padi
Apo dikonang pekaro yang sudah
Si milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari an lain
Ompuk orang jangan diidam
Dah den kobar an dulu
Dongarlah cakap cikgu
Banyak-banyak membaco
Bosar nanti bojayo
Cordik macam anak tok wan
Sobolum jadik kayo, jangan malas bokojo
Kono kuek usoho
Masak lomak cili api, minum kopi, cicah roti
kocik poei mongaji bosar jadi montori
Eden ado berposan janganlah ketinggalan
Hidup ado panduan Al-quran jadi pongangan
Ha… tu lah, dulu lai den koba kan
Kojo jang… kojo.
Ni.. ke kobun maleh
Ke sawah liat pulak tu
Ah.. Omak ni..
Sekolah tinggi tinggi takkan ke sawah do
Buek malu yo…
Nak kan anak orang tak payah beduit
Apolah nak jadi kau ni jang oi hai…
Abih macano mak
Badan seh ni nak domam yo ghaso eh
Dah den koba an dulu kumpo kan duit
Pinanglah copek ini kau tangguh an
Ke sawah kota mengumpo belanjo
Bekonan den si milah buek menantu
Apo lai kau sosakan
Menghaung tak ado guno
Milah kawin minggu dopan
Melopong kau jang putih mato
Jangan lai dikonang konang
Asik dikonang merano badan
Bekocak air di boting
Limau manih betaruk mudo
Bio becacak koghih dan lombing
Putih kuning den tarik juo
Kau nak apo an milah tu pulak
Jangan jang, malu omak
Kito yang susah nanti
Seh tak kiro
Seh nak an jugo milah tu mak
Apo nak jadi, jadilah
Dah di haruk setan ko budak ni
Dunio pun tak nampak layi…
Ke jelobak ke jelobu
Tuai padi tigo tangkai
Kato ombung den…
Kato ongah den…
Kato ocu den
Podih nyo hati menanggung malu
Tak mati badan menghasai… Aih
Apo kono eh jang…
No comments:
Post a Comment